aturuxo.

Ruxe Ruxe ocupan dende fai tempo un dos lugares de honra da música galega ao abeiro dunha historia musical e discográfica de calidade, de enerxía e de enxebrismo punk-rock con moitas pingas de folk.

“Ser de aquí e dun tempo” que diría Celso Emilio Ferreiro. “Rapaces da aldea máis non uns ninguéns” que diría Xosé Neira Vilas.

Sempre fuxindo das modas, do comercial do momento, do políticamente correcto e das zonas de confort para adentrárse acotío polos camiños das emocións, da coherencia persoal, das liberdades humanas e sociais e do orgullo cultural e lingüístico. Polo rego do realismo máxico máis enxebre, enérxico e contaxioso levan todo este tempo compartido experiencias en escenarios galegos, estatais e incluso internacionais. De Euskadi a Cataluña, de Milán a Azores, de Portugal ao estado Español e, por suposto, nos mellores festivais Galegos, teñen contado co grupo que sempre deixou gran pegada musical e persoal.

Neste curso Ruxe Ruxe continúan cheos de compromiso e desbordantes de actitude e honestidade, publicando material novo e xirando polos mellores escenarios, converténdose nunha das bandas históricas galegas con maior percorrido.

Entradas anticipadas á venda en Entradium.