A proposta de Nito Serrano parte dun imaxinario folclórico do continente americano mesturado cunha concepción propia da música mestiza. Con Lapurasangre lévanos nunha viaxe que vai de México a Arxentina, percorrendo no camiño paraxes andinos, amazónicos ou caribeños, acotando un lugar propio na riqueza cultural hispanoamericana. Nesta percorrido o músico, poeta e filósofo que hai en Nito retrata diferentes culturas e amosa o enraízamento dos ritmos que conviven e recrean un territorio propio de guitarras españolas, sons fronteirizos e percusións de bombos legüeros. A súa traxectoria como músico comeza no 2006 ca banda de rock Nonno e culmina nos últimos anos co proxecto Lapurasangre, onde desenvolve o seu potencial como instrumentista, vocalista, compositor e arranxador, vencellada a unha grande paixón pola poesía e pola filosofía. O seu primeiro traballo , “Salvaje” xestouse en 2019 baseado en textos propios e poemas que conformaron as 9 pezas que compoñen unha obra onde a natureza é a temática central, xunto co amor, a vida ou a tristeza. O domingo 23 de marzo Nito trae a Aturuxo Bar (Bueu) sete músicos ao escenario cunha posta en escena espectacular para armar un quebracabezas que se convertirá nun ritual de celebración e ceremonia de talento e goce.

Nito Serrano & Lapurasangre continúan a súa xira de concertos promovidos por Girando Por Salas #GPS15. O domingo 23 estarán no Aturuxo Bar (Bueu). Son fronteirizo e mestizo de feituría muy personal.
Toda a info da xira na web girandoporsalas.com

Entradas: https://www.entradas.com/event/nito-serrano-y-lapurasangre-sala-aturuxo-bar-19714478/

aturuxobueu

lapurasangre

NosVemosEnLasSalas #QuinceAñosGirando

https://youtu.be/epPMC2EfqOc?si=rGAhMLGP4dLeg5Au