aturuxo.

Nirvana Cover

A mediados de 2012 Nirvana Cover comeza a súa andaina como tributo a Nirvana, a lendaria banda que nos anos 90 cambiou o curso da historia do rock. Un periodo de case dous anos de traballo na selección de cancións e ensaios meticulosos ata acadar un son que lle fai xustiza ao que significou e significa unha banda inmortal.

Este día Nirvana Cover realizarán no Aturuxo un repaso das mellores cancións da banda estadounidense, nun concerto que será gravado en audio e vídeo.

Nirvana Cover na rede: https://www.facebook.com/nirvanacover

Doppler

Doppler é unha banda de rock que se formou hai dez anos en Pontevedra, primeiro baixo o nome de Ibidem e despois Electric Funeral, ata que en 2010 adoptou o nome actual.

A música do grupo nútrese de influencias do rock, rock alternativo, grunge, stoner e metal, entre outros estilos.

Ata a data levan gravadas dúas demos: Doppler (2011) e Dopplergänger (2012), e na actualidade están presentando novas cancións que se incluirán na súa próxima demo e repasando temas clásicos do seu repertorio dos últimos anos.

A formación actual do grupo constitúena:

• Rafael de la Guetto, batería
• Jimmy Marrero, voz
• Óscar Iglesias, guitarra e baixo
• Javier Carpin, baixo
• Pablingo Starr, guitarra

Doppler na rede:

• Bandcamp: http://doppler-rock.bandcamp.com/
• Facebook: https://www.facebook.com/DopplerPontevedra

Puntos de venda anticipada

• Aturuxo Bar
• Barullo Música (Pontevedra)
• Pontemúsica (Pontevedra)
• Rei Zentolo (Pontevedra)

Desconto de 1 € en billeteira presentando o flyer do concerto. Flyers dispoñibles en Aturuxo Bar e en Carnaby (Pontevedra)