aturuxo.

A mestura de etnias e linguas de Cheb Balowski encherá o escenario do Atu este mércores 1 de maio.

Podedes adquirir a vosa entrada anticipadamente no mesmo local por 5 euros, ou na taquilla a noite do concerto por un euro máis.

Máis información, no lugar correspondente.

Os rockeiros do Salnés Tumbling Dice e o quinteto de Jaume Tugores pechan o mes no local.

Por outra banda, xa vos podemos adiantar as posibles actuacións de maio:

1 de maio: Cheb Balowski

12 de maio: Boikot + Puta Miseria

17 de maio: Liorna

26 de maio: Txuma Murugarren

Ampliaremos ...

Xa podemos confirmar o concerto deste domingo. O hardcore melódico de Marf e o metal de Cube, xuntos nunha actuación dobre por 3,50 euros.

Malia a ausencia de Sex Museum, este domingo teremos a Cube, xunto con outro grupo por determinar.

O domingo 21 de abril volverán visitarnos, logo de case un ano, os rockeiros vilagarcianos Tumbling Dice.

E pechando o mes, Jaume Tugores presentará Anque lui è qui, "Música mediterránea con fuerza latina inspirada en Ennio Morricone".

Desafortunadamente, tiveron que hospitalizar o batería do grupo Sex Museum, polo que o concerto do domingo 14 ten que cancelarse.

De todos os xeitos, esperamos encher este oco e poder contar finalmente cunha actuación para este domingo.

Mantédevos á escoita.

Xa podedes consultar o calendario da primeira quincena de abril na sección de actuacións.

Ademais dos concertos domingueiros de TCA e Sex Museum, este luns celebrarase unha charla coloquio, organizada por AMI, co título Antiglobalización: a resistencia dos pobos.

Hoxe lanzamos a primeira fase da web, coa programación de concertos das próximas semanas e uns foros nos que vos animamos a participar (¿quen será o primeiro en escribir algo?).

Nos vindeiros días engadiremos novas seccións con fotografías dos concertos e información sobre o local.

¡Benvidos!